لندن کی میٹروپولیٹن پولیس کے مطابق، لیام او ہانا پر الزام ہے کہ انہوں نے ایک میوزک ایونٹ کے دوران حزب اللہ کا جھنڈا اس طرح نمایش کیا جس سے تنظیم کی حمایت کا گمان ہوتا ہے۔ برطانوی قانون کے تحت حزب اللہ کو ایک ممنوعہ تنظیم قرار دیا گیا ہے۔
یہ واقعہ گزشتہ ہفتے پیش آیا جب لیام نے ایک کنسرٹ کے دوران یہ جھنڈا دکھایا، جس کے بعد پولیس نے کارروائی کرتے ہوئے ان کے خلاف مقدمہ درج کیا۔ اگر ثابت ہوا تو انہیں دہشت گردی کی حمایت کے جرم میں سزا ہو سکتی ہے۔
حزب اللہ کو برطانیہ سمیت کئی ممالک میں دہشت گرد گروہ قرار دیا جا چکا ہے، جبکہ کچھ عرب ممالک میں اسے سیاسی و عسکری تنظیم کی حیثیت حاصل ہے۔ اس واقعے کے بعد بینڈ کی جانب سے ابھی تک کوئی واضح بیان سامنے نہیں آیا۔
