اسلامی انقلابی گارڈ کور نے ہفتہ کی شب صیہونی ریاست کے خلاف میزائلوں اور ڈرونز کے تازہ حملوں کی نئی لہر یہ کارروائی جمعہ کے روز شروع کیے گئے جوابی آپریشن سچا وعدہ ۳ کے دوسرے مرحلے کا حصہ ہے۔ اس تازہ اور وسیع پیمانے پر فوجی آپریشن کا آغاز ہفتہ کی صبح مقامی وقت کے مطابق 11:45 بجے کے قریب ہوا، جب سوشل میڈیا پر گردش کرنے والی ویڈیوز میں میزائلوں کو اپنے اہداف کو نشانہ بناتے دیکھا گیا۔
یہ بے مثال جوابی آپریشن “یا علی ابن ابی طالبؑ” کے کوڈ نام سے جاری ہے، جو عید غدیر کے بابرکت موقع کے ساتھ ہم آہنگ کیا گیا ہے۔ میزائل اور ڈرون داغے جانے کے فوراً بعد IRGC کے شعبہ تعلقات عامہ نے ایک بیان جاری کیا، جس میں اس وسیع پیمانے کے میزائل اور ڈرون آپریشن کے نئے مرحلے کے آغاز کا اعلان کیا گیا۔
بیان میں کہا گیا کہ کے ایرو اسپیس ڈویژن نے اس تازہ مرحلے کا آغاز صیہونی حکومت کی تازہ جارحیت کے براہِ راست جواب میں کیا ہے۔ اس نئے مرحلے کا مرکزی ہدف مبینہ طور پر مقبوضہ بندرگاہی شہر حیفہ اور اس کے آس پاس کے علاقے ہیں، جہاں اس حکومت کی کئی اہم فوجی اور صنعتی تنصیبات واقع ہیں۔
اب تک ان حملوں میں حیفہ میں موجود اسرائیلی فوجی اور صنعتی مقامات کو نشانہ بنایا گیا ہے، جن میں تیل صاف کرنے والے کارخانے اور بجلی کے گرڈ شامل ہیں۔ اطلاعات کے مطابق ان حملوں کے نتیجے میں متعدد مقامات پر آگ بھڑک اٹھی۔
