ایرانی میڈیا کے مطابق، ملک کو درپیش نئے خطرات سے مؤثر طریقے سے نمٹنے کے لیے ایک اہم اسٹریٹجک قدم اٹھایا گیا ہے۔ آئین ایران کے آرٹیکل 176 کے تحت ایک نئی دفاعی کونسل تشکیل دی جائے گی، جس کا مقصد دفاعی حکمت عملی میں بہتری لانا اور ملکی فوجی صلاحیتوں کو مزید مضبوط بنانا ہے۔
اس کونسل کا بنیادی کام مسلح افواج کے درمیان بہتر ہم آہنگی پیدا کرنا اور مشترکہ فیصلہ سازی کے نظام کو فروغ دینا ہوگا۔ اس کے علاوہ، یہ کونسل فوجی، سائبر اور دہشت گردی جیسے نئے چیلنجز کا جائزہ لے کر ان کے خلاف مؤثر اقدامات تجویز کرے گی۔
ایرانی رہبر اعلیٰ آیت اللہ خامنہ ای نے زور دے کر کہا کہ اسرائیل کو اپنے اقدامات کی سخت سزا ملے گی۔ نئی دفاعی کونسل کے قیام کا فیصلہ موجودہ اور ممکنہ خطرات کے پیش نظر کیا گیا ہے، جو ملکی سلامتی کے لیے ایک اہم قدم تصور کیا جا رہا ہے۔
