اسرائیلی وزیر دفاع یوآو گیلانٹ نے اعلان کیا ہے کہ اسرائیلی فضائیہ نے ایران کے متعدد جوہری اور فوجی مقامات پر حملے کیے ہیں۔ امریکی اور اسرائیلی ذرائع کے مطابق، تہران سمیت مختلف علاقوں میں شدید دھماکے سنائی دیے۔
ایرانی جوہری سائنسدانوں کی ہلاکت کی اطلاعات
برطانوی میڈیا نے ایرانی سرکاری ٹی وی کے حوالے سے بتایا ہے کہ اسرائیلی حملوں میں دو ممتاز جوہری سائنسدان ہلاک ہو گئے ہیں۔ ان میں ڈاکٹر فریدون عباسی شامل ہیں، جو ایرانی ایٹمی توانائی ادارے (AEOI) کے سابق سربراہ تھے۔ 2010 میں ان پر ایک قاتلانہ حملہ بھی ہوا تھا، جس میں وہ زندہ بچ گئے تھے۔ دوسرے ہلاک ہونے والے سائنسدان محمد مہدی طہرانچی ہیں، جو تہران کی اسلامی آزاد یونیورسٹی کے صدر تھے۔
امریکا نے جنگ میں غیرجانبداری کا اعلان کر دیا
ایران پر اسرائیلی حملوں کے بعد، امریکی وزیر خارجہ اینٹونی بلنکن نے واضح کیا کہ امریکا ان کارروائیوں میں شامل نہیں ہے۔ انہوں نے کہا کہ “اسرائیل نے ایران کے خلاف یکطرفہ کارروائی کی ہے، اور ہماری اولین ترجیح خطے میں موجود امریکی فوجیوں کی حفاظت ہے۔”
میڈیا رپورٹس کے مطابق، اسرائیلی فضائیہ نے ایران کے اعلیٰ فوجی اور سیاسی رہنماؤں کے رہائشی علاقوں کو بھی نشانہ بنایا ہے۔
