پاکستان نے بھارتی جارحیت کے جواب میں ‘آپریشن بنیان مرصوص’ کا آغاز کر دیا ہے، جس کے تحت بھارت کے بجلی کے گرڈ پر ایک بڑے پیمانے پر سائبر حملہ کیا گیا۔ اس حملے کے نتیجے میں بھارت کے تقریباً 70 فیصد بجلی کے نیٹ ورک کو ناکارہ بنا دیا گیا، جس سے ملک بھر میں شدید بلیک آؤٹ کی صورتحال پیدا ہو گئی۔
سیکیورٹی ذرائع کے مطابق، یہ سائبر حملہ انتہائی منظم تھا اور اس نے نہ صرف بڑے شہروں بلکہ دیہی علاقوں کو بھی متاثر کیا، جس سے بھارت کی معیشت اور روزمرہ زندگی کو شدید نقصان پہنچا ہے۔
اس کے ساتھ ہی، پاکستان نے بیاس کے علاقے میں واقع براہموس اسٹوریج سائٹ اور بھارتی ایئر بیس ادھم پور کو بھی نشانہ بنا کر تباہ کر دیا ہے۔ یہ کارروائی بھارتی فوجی جارحیت کے خلاف ایک واضح اور مضبوط ردعمل ہے۔
پاکستان کی جانب سے یہ اقدام دفاعی اور جوابی نوعیت کا ہے، جس کا مقصد دشمن کی جارحانہ کارروائیوں کو ناکام بنانا اور ملکی سلامتی کو یقینی بنانا ہے۔ مزید اطلاعات کے انتظار میں ہیں۔
