بھارت میں پاکستانی یوٹیوب چینلز بند کرنے کے جواب میں پاکستان کی وزارت اطلاعات نے ٹیکنالوجی کا استعمال کرتے ہوئے ایک پاکستانی ملی نغمہ بھارتی یوٹیوب چینلز پر بطور اشتہار نشر کروا دیا۔
یہ نغمہ پاک فوج کی پیشہ ورانہ صلاحیتوں، قومی یکجہتی اور وطن کی دفاع کے جذبے کی عکاسی کرتا ہے۔ اس کے یوٹیوب پر نشر ہوتے ہی بھارتی سوشل میڈیا پر ہلچل مچ گئی، جہاں صارفین نے مودی حکومت کو اس اقدام پر سخت تنقید کا نشانہ بنایا۔
بھارتی عوام نے اپنی حکومت کے بیانیے کی ناکامی پر سوالات اٹھائے ہیں اور کہا ہے کہ بھارت چاہے جتنی بھی کوشش کر لے، پاکستان کی آواز کو دبانے میں کامیاب نہیں ہو سکتا۔
یہ واقعہ ایک بار پھر ثابت کرتا ہے کہ سچ کو چاہے جتنا بھی دبایا جائے، وہ اپنی راہ نکال ہی لیتا ہے۔ پاکستان کا پیغام سرحدوں کے پار بھی پہنچ رہا ہے اور دنیا اسے سن رہی ہے۔
