اسلام آباد: پاکستان نے اپنے جدید ترین زمین سے زمین تک مار کرنے والے میزائل “الفتح” کا کامیاب تجربہ کرلیا ہے، جو ملک کی دفاعی صلاحیتوں میں ایک اہم اضافہ ہے۔ یہ میزائل اعلیٰ درستگی کے ساتھ دور دراز کے اہداف کو نشانہ بنانے کی صلاحیت رکھتا ہے۔
دفاعی ذرائع کے مطابق، یہ تجربہ پاکستان کی میزائل ٹیکنالوجی میں خود انحصاری کو ظاہر کرتا ہے۔ “الفتح” میزائل کی یہ کامیاب آزمائش پاکستان کی سٹریٹجک دفاعی پالیسی کا ایک اہم سنگ میل ہے، جو دشمن کے کسی بھی ممکنہ جارحیت کے خلاف ردعمل کی مؤثر صلاحیت کو ظاہر کرتا ہے۔
پاکستان کی جانب سے یہ اقدام خطے میں استحکام کے لیے اہم قرار دیا جا رہا ہے۔ دفاعی تجزیہ کاروں کا کہنا ہے کہ “الفتح” میزائل کی کامیاب آزمائش ملک کے دفاعی نظام کو مزید مضبوط بناتی ہے اور یہ پاکستان کی قومی سلامتی کے عزم کا اظہار ہے۔
حکومت پاکستان اور مسلح افواج نے اس کامیابی پر قوم کو مبارکباد دی ہے اور کہا ہے کہ پاکستان امن کا علمبردار ہے، لیکن اپنی دفاعی صلاحیتوں کو مزید بڑھانے کے لیے پرعزم ہے۔
