بھارت سے حالیہ کشیدگی،ترکیہ اور آذربائیجان کے صدور کا ایک بار پھر پاکستان کی حمایت کا اعادہ

ندن: مائیکروسافٹ کے بانی اور دنیا کے امیرترین افراد میں شامل بل گیٹس نے امریکی صدر ڈونلڈ ٹرمپ کی انتظامیہ کے اہم عہدیدار ایلون مسک کے اقدامات پر سخت تنقید کرتے ہوئے کہا ہے کہ “دنیا کا امیرترین شخص امریکی بیرونی امدادی بجٹ میں کمی کرکے غریب ترین بچوں کی زندگیوں سے کھیل رہا ہے۔”

غیرملکی خبررساں ادارے رائٹرز کے مطابق، 69 سالہ ارب پتی بل گیٹس نے اعلان کیا ہے کہ ان کی فلاحی فاؤنڈیشن 2045 تک 200 ارب ڈالر غربت، بیماریوں کے خاتمے اور صحت کے شعبے میں خرچ کرے گی۔ انہوں نے کہا کہ وہ اپنی تمام دولت انسانیت کی بہتری کے لیے وقف کرنے کے عزم پر کاربند ہیں۔

بل گیٹس نے بتایا کہ ان کا منصوبہ یہ ہے کہ وہ اپنی تمام جائیداد فلاحی کاموں میں لگا دیں اور 31 دسمبر 2045 تک اپنی فاؤنڈیشن کو بند کر دیں۔ انہوں نے کہا کہ اس اقدام سے پولیو اور ملیریا جیسی بیماریوں کا خاتمہ، خواتین اور بچوں کی اموات میں کمی، اور عالمی سطح پر غربت کے خاتمے جیسے اہداف حاصل کرنے میں مدد ملے گی۔

بل گیٹس کا یہ اعلان اس وقت سامنے آیا ہے جب ٹرمپ انتظامیہ نے عالمی سطح پر بیماریوں اور غذائی قلت کے خلاف کام کرنے والے پروگرامز کے بجٹ میں کٹوتی کی ہے۔ امریکی حکومت کی جانب سے یہ کٹوتی ایلون مسک کی سربراہی میں کی جا رہی ہے، جس کے تحت یوایس ایڈ پروگرام کے بجٹ میں تقریباً 80 فیصد کمی کی جا رہی ہے۔ یاد رہے کہ اس ادارے نے 2023 میں دنیا بھر میں 44 ارب ڈالر کی امداد فراہم کی تھی۔

بل گیٹس نے فنانشل ٹائمز کو انٹرویو میں کہا کہ “دنیا کے امیرترین شخص کا غریب ترین بچوں کی زندگیوں کو خطرے میں ڈالنا اچھی تصویر پیش نہیں کرتا۔” انہوں نے زور دیا کہ امیر ممالک کو انسانیت کی بہتری کے لیے اپنی ذمہ داریاں نبھانی چاہئیں۔

New chat