بھارتی سکھ برادری نے وزیراعظم نریندر مودی کے خلاف عالمی عدالت میں کارروائی کا مطالبہ کر دیا ہے۔ سکھ شہریوں کا کہنا ہے کہ مودی سرکار کے مظالم سے تنگ آکر وہ بغاوت پر اتر آئے ہیں اور اب وہ بین الاقوامی سطح پر انصاف کی تلاش کریں گے۔
سکھ شہریوں نے الزام لگایا کہ مودی ایک “قاتل” اور “چال باز” لیڈر ہے جس نے اپنے مخالفین کو خاموش کرانے کے لیے قتل کروائے۔ ان کا دعویٰ ہے کہ مودی نے تین ججوں اور کئی افسران کو قتل کروایا، نیز اپنے مقاصد کے لیے افسروں کے تبادلے کرائے تاکہ وہ اپنے فرائض انجام نہ دے سکیں۔
سکھ برادری کے نمائندوں کا کہنا تھا کہ “ہم مودی کو پھانسی کی سزا دلوائیں گے اور قومی و بین الاقوامی عدالتوں میں ان کے خلاف مقدمات چلائیں گے۔ وہ ایک ظالم ہے جس نے بے گناہ لوگوں کا خون بہایا۔”
انہوں نے یہ بھی الزام لگایا کہ پلوامہ حملہ سمیت بھارت میں ہونے والے متعدد دہشت گردانہ حملے مودی ہی کی سازش تھے۔ دفاعی ماہرین کے مطابق، مودی اپنی بین الاقوامی ساکھ بچانے اور اپنے سیاسی مقاصد پورے کرنے کے لیے مسلسل جھوٹ کا سہارا لے رہا ہے۔
سکھ برادری کا موقف ہے کہ اب وقت آ گیا ہے کہ مودی کو ان کے جرائم کی سزا دلوانے کے لیے عالمی عدالت میں کھڑا کیا جائے۔
